|
|  | |
| Slik var utsynet frå Turtagrø Hotel kl. 08.00 om morgonen. Nede i bygda låg tåka tjukk som graut. |
|
|  | |
| Og oppover i løypa jubla deltakarane for ein praktfull dag og opptur. Her det det representantar for Team PLO i Lærdal Kommune ( Pleie og omsorg) som med knallgrøne T-skjorter var lette å få auge på oppover i løypa. Lærdal Kommune vart også nr. 2 i lagkonkurransen som arrangørkommunen Luster vann. |
|
|  | |
| Drikkestasjonen ved 1800moh vart ein populær pause og sosial samlingstad både på opptur og nedtur i trimklassa.
|
|
|  | |
| Det vrimla av unge deltakarar. Det er ei eineståande nyrekruttering til motbakkeløping og toppturar blant dei aller yngste. Dei yngste registrerte deltakarane i Trimklassa var heilt ned i 6 år ( Endre Stedje, Sogndal ). |
|
|  | |
| I konkurranseklassane var Lars Muren, Asker Skiklubb, kl. 14-15 år, blant dei aller yngste. |
|
|  | |
| Kjell Navelsaker, Jølster IL kom til topps på 1.30.01 i kl. 50-54. |
|
|  | |
| Det kom mange frå Oslo og Austlandet til Fanaråken. Ein av dei var Finn Erhard Johannessen, OSI, ( startnr. 211 ) som har for vane å være på toppen av resultatlistene i Kl. 50-54 på Austlandet. På Fanaråken vart han nr. 3 og på plassen bak kom Vidar Eriksrud, Sjåstad ( startnr. 216)
|
|
|  | |
| Sven Nylund, Molde-Olymp, vart nr 3 i klasse 35-39 på tida 1.07.21. Her spring den lokale fjellgeita til NRK Sogn og Fjordane i helane på Sven og filmar med eit blytungt kamera. |
|
|  | |
| Eirik Tørstad frå Puma Running er ikkje berre sponsor for løpet, han spring dei løpa som han sponsar sjølv også. Det er dette eg kallar aktive og engasjerte sponsorar. Han hadde også ei svært offensiv innstilling før start. Tida mi på 1.27 frå i fjor den skulle han slå. No viser resultatlista at han kom 3 minuttar for seint, men neste år får han ein ny sjanse. Neste år stiller eg sjølv opp med mål om å springe på under 1.25. Kva seier du til det Eirik ? |
|
|  | |
| Dag Lindebjerg ( Ja det er han NRK-mannen frå Bergen !) deltok i trimklassa medan sonen Eirik ( BFG Fana ) sprang til topps på 1.15.54 i kl. 20-22.
Dei siste åra har eg møtt Dag både på Fanaråken og på Skåla i samband med motbakkeløpa der. Med dei flotte programma han har laga om gamle ferdsels-vegar over fjell, bre og vidde i frisk minne, så minner eg han stadig vekk på at no må det då være god timing å lage ein programserie om praktfulle toppturar og motbakkeløp opp på praktfulle fjelltoppar med utsyn , vidsyn og perspektiv....... |
|
|  | |
| Anders Inge Hundere, Lærdal IL, vart nr. 2 i klasse 55-59 år å tida 1.19.39.
Lærdølene markerte seg i år skikkeleg på Fanaråken som ein sprek og sporty kommune. Dei lede lenge lagkonkurransen om å stille flestdeltakarar, men Luster Kommune berre måtte kome med ein knallspurt med påmeldingane dei siste dagene før løpet. |
|
|  | |
| Kine Eide Kvitne, Voss Friidrett, kom til topps på 1.41.43 i kl. 16-17 år. |
|
|  | |
| I Mål ! |
|
|  | |
| Ole Jakob Sande, Gaular IL, kom til topps på 1.21.44. Denne gongen var han sendt ut med mobiltelefon som kamera ?! for å ta bilde til Firda. Det vart ikkje rare oppslaget til Firda å vere. Det var i gamle dagar at Firda var fylkesavisa. No er den lokalavis for Sunnfjord og litt for Nordfjord. Sogn Avis har derimot markert seg ettertrykkeleg med 4 praktfulle heilsider om Turtagrø-Fanaråken Opp. |
|
|  | |
| Med 560 deltakarar i mål på Fanaråken i det praktfulle været, vart serveringa på Fanaråkhytta flytta utandørs. Fanaråkhytta er den høgast liggjande turisthytta i nord-Europa på 2.068 moh.
Hytta vært driven av DNT Oslo og omegn.
I år var dei også samarbeidspartnar for Turtagrø-Fanaråken Opp og sto m.a. i målområdet og delte ut gåve-premiar frå DNT til dei yngste deltakarane i trimklassa.
|
|
|  | |
| Ved drikkestasjonen i Helgedalen startar den bratte oppstigninga mot Fanaråken. Då ar du løpt omlag 4,5 km, men har kun gjort unna knappe 200 høgdemeter. På dei neste 4 km til topps stig løypa med snitt på 25% dvs. 1000 høgdemeter ! Det er herleg bratt det ! |
|
|  | |
| For Tore Bye, Modum FIK, i kl. 40-44 år vart bakkane litt for bratte berre ei veke etter at han imponerte med andre plass totalt i Gaustadtoppen Opp, det tøffaste halvmaraton-løpet i nord-europa med over 1600 m stigning på 21,1 km. Då Tore passerte meg 600 m før mål hadde han pratepuls og såg ut til å ta det svært så med ro for å nyte (Na-)Turen og utsynet. Hna kom i mål på 1.13.07. |
|
|  | |
| Rett etter målpassering sprang Jon Tvedt langt ned att i i løypa for å motivere dottera Laila til Topps.
Ho kom til topps, men det gjorde at Jon Tvedt kom litt for seint til premieutdelinga. Her er Laila i sentrum, med Kristen Skjeldal og Jon Tvedt på kvar side. No har også fjordtåka letta og det er praktfullt utsyn heilt ned til Lustrafjorden 1900 høgdemeter nedanfor. |
|
|  | |
| Fanaråken er ein praktfull stad for å feire STORE dagar i livet ! Birgit og Rolf-Arne Tennø frå Brattvåg feira sin bryllupsdag nr. 34 på Fanaråken. |
|
|  | |
| Anita har særs høg stjernestatus i motbakkeløpfylke nr. 1 i Noreg ! Det var stor stas å bli forografert saman med Anita for 14. åringen Svanhild Gjeraker og far hennar Arne frå Kaupangar. Anita sette særs stor pris på å møte to ekte motbakke-og toppturentusiaster som no set kursen mot Skåla 1848 m rett opp 18. august |
|
|  | |
| Mange utflytta Lustringar og andre Sogningar i alle aldre kom attenede til der dei har røtene sine for å oppleve denne eineståande oppturen til Fanaråken. Den elste av dei var 79-åringen Erik Haugen som no bur i Oslo, men som er fødd i Gaupne. Då eg møtte Erik på turen ned frå Fanaråken vart eg imponert over kor lett han var til beins. Men Erik var ikkje den eldste som tok turen til topps. Det var 80-åringen Olav Nummedal frå Vik i Sogn |
|
|  | |
| Sander Terum frå Aurland ( son til Olav som vart nr. 2 i kl. 45-49 ) vann i fjor 12-14 års klassa i Stoltzekleiven Opp. Men Sander er framleis for ung til å kunne delta i konkurranseklassa i Turtagrø-Fanaråken Opp der aldersgrensa er 14 år. Difor kunne han ta ein roleg tur for å studere løypa til løpet neste år den 9. august. |
|
|  | |
| Tormod Tjørnhom, KIF, har dei to siste åra vore blant dei aller fremste motbakkeløparane i landet. I fjor vart han nr. 3 i NM i motbakkeløp. Då slo han Kristen Skjeldal som då fekk den fjerdeplassen som Tormod fekk i år. |
|
|  | |
| Då er det på tide å seie takk for denne gongen til Turtagrø Hotel. Dersom du skal ha rom til arrangementet neste år den 9.august må du være tidleg ute , for det er berre omlag 110 senger på Turtagrø Hotel. Den 9. august er dessutan midt i høgsesongen for hotellet. No set eg kursen mot Hotel Alexandra og Skåla 1848m rett opp som går allereie no til helga på laurdag 18. august ! Ser deg ved Skålatårnet 1848 moh saman med 1400 andre ! |
|
