Den ulike statusen distansane i mellom vistest mellom anna på premieringa. Medan Hanne Bolstad som vart nummer tre i klasse 35-39 år på maraton, fekk både blomar og 50 euro i pengepremie, var det ikkje premie i det heile tatt til Jessica Gunnarsson som var totalvinnar på halvmaraton. På 10 km og halvmaraton var det heller ikkje skikkeleg km-skilting.

Men deltakinga er god og stigande på alle tre distansane. I år var 2935 med på 10 km, 5879 på halvmaraton og 4491 på maraton. Til saman fullførte 13305 løparar, og det var over 30 prosents auke ifrå i fjor da 9982 deltok.

Mange norske har òg funni ut at ei helg i Amsterdam kan vera ei fin avslutning på sesongen. Dei 45 norske fordelte seg med 31 på maraton, 8 på halvmaraton og 6 på 10 km. Fleire sette persar og/eller årsbeste og hevda seg svært godt.


NORSKE RESULTAT
   
Maraton kvinner 
 564  Hanne Bolstad, Oslo                 3e V35    3:11:49
 774  Karin Sønsteby, Oslo               17e Vsen   3:18:49
4388  Gunhild Haukeland, Haugesund       37e V55    5:10:31
   
Maraton menn
  32  Runar Gilberg, Oslo                29e Msen   2:32:49
  97  Jan Birger Hansen, Avaldsnes        7e M45    2:46:12
 163  Kurt Hatten, Alversund             18e M45    2:53:04
 176  Wiktor Berg, Røyksund              32e M40    2:53:46
 179  Bjarne Gausvik, Ostereide           3e M50    2:54:14
 221  Kjell Terje Holen, Ytre Enebakk     5e M50    2:56:45
 241  Sigmund Pedersen, Sveio            32e M45    2:57:40
 288  Oddvar Hausken, Torvastad           1e M60    2:59:07
 352  Dag Ernst Jacobsen, Siggerud       14e M50    3:02:44
 488  Sverre Sæbdal, Isdalstø             2e M55    3:09:36
 507  Arvid Reiertsen, Morvik            24e M50    3:10:18
 565  Ole Anderdahl, Fjellhamar         118e M40    3:12:58
 591  Tim Victor Bennett, Oslo          310e Msen   3:13:02
 715  Bjarne Danielsen, Kopervik         46e M50    3:17:36
1069  Robert van Es, Dilling            514e Msen   3:25:24
1294  Ole Bru, Stavanger                297e M40    3:31:40
1379  Arnfinn Austegard, Flatøy         115e M50    3:32:27
1534  Jon Jørgensen, Rjukan             687e Msen   3:36:28
1604  Odd-Inge Finne, Kopervik          245e M45    3:37:52
2029  Dan-Olan Meling, Stavanger         58e M55    3:46:25
2073  Ole Keilberg, Slependen, Oslo     880e Msen   3:44:42
2148  Einar Søndeland, Sola              65e M55    3:49:36
2203  Kenneth Smeby, Godvik             933e Msen   3:49:04
3381  Kurt-Even Kristensen, Flatåsen    488e M45    4:12:18
3547  Per Ove Haugen, Jondal            699e M40    4:19:53
3963  Børge Helgesen, Stavanger         553e M45    4:35:39
3974  Roger Pedersen, Flatåsen         1537e Msen   4:33:54
4396  Dag Sture Eine Friis, Oslo        183e M55    5:13:58
  
Halvmaraton kvinner
  59  8761 Jessica Gunnarson, Oslo        1e Vrecr  1:22:43
 484  8762 Anne Myhr, Oslo               21e Vrecr  1:34:07
   
Halvmaraton menn 
   7 12600 Espen Stueland, Larkollen      7e Mrecr  1:15:33
 116  8763 Snorre Lægran, Oslo          113e Mrecr  1:25:46
3628 10149 Oddleif Strømnes, Lier      3125e Mrecr  1:57:37
3634  9711 Magne Salo, Lier            3129e Mrecr  1:57:38
4175 10749 Egil Sørensen, Drammen      3508e Mrecr  2:01:20
5574  9987 Bjørn Egil Sollund, Drammen 4330e Mrecr  2:19:54
   
10 km kvinner
  82 15538 Marianne Garman Eide, Oslo     7e Vrecr    38:46
 330  8760 Line Søvik, Oslo              37e Vrecr    45:28
   
10 km menn 
  73 15539 Jim Holtquist, Oslo           59e Mrecr    38:31
  88 16054 Helge Brekke, Isdalstø        71e Mrecr    38:56
 273 16291 BjØrn Arne Mo, Alversund     214e Mrecr    44:32
1058 15536 Jasper Buitink, Oslo         807e Mrecr    52:38

Alle resultat
Jessica Gunnarsson var raskast av alle på halvmaraton
Det er tradisjon for norsk siger på halvmaraton i Amsterdam. I fjor var Anna Tråve først i mål, og i år var det ingen som klarte å følgje Jessica Gunnarsson, som iallfall er busett i landet. Jessica sprang på 1.22.43, og ho var godt nøgd med å vera berre 50 sekund bak persen.
To debutantanter og tre litt meir erfarne maratonløparar
Hanne Bolstad (til høgre) og Karin Sønsteby (til venstre) sprang maraton for første gong, og særleg Hanne fekk ei positiv oppleving. Ho kom i mål på 3.11.49 etter å ha sprungi i 4.30-fart omtrent heile vegen. Karin heldt lenge følgje med Hanne, men magen tolte ikkje den energigeleen ho putta i seg ved 27 km, og det førte til både kvalme, oppkast og redusert tempo. Sluttid 3.18.49. Ole Anderdahl (nest lengst til høgre) gjekk ut i fart til 2.45, men ved 23 km hadde muskulaturen i føtene fått noko. Ole roa ned og sprang til mål saman med sambuar Hanne Bolstad. Runar Gilberg (midten) sprang eit jamt løp, og det resulterte i 2.32.49 og beste maratontida hans sia 2001. Tim Bennett satsa på å gå under 3 timar for første gong, men med smerter i både lyske og rygg vart reise krevande og sluttida eit kvarter svakare enn han hadde vona på. (Foto: Anne Myhr)
2.06.23 og ny løyperekord på Robert Cheboror
Amsterdam har dei seinare åra hatt sterke felt, og tidene har vorti gode. I år vart det sett løyperekord av kenyanske Robert Cheboror med 2.06.23. Det var den tredje beste maratontida i verda i år. Kvinneklassen vart vunnen av 38 år gamle Helena Javornik frå Slovenia som sette pers med eitt minutt og sprang på 2.27.33. (Foto: Jasper Buitink)
Vakker og variert trasé
Maratonløypa i Amsterdam er i det store og heile flat. To gonger spring løparane gjennom den flotte Vondelparken. Her ser vi halvmaratonløparar passere ei av fotenene i parken. Løypa snor seg gjennom store deler av byen, og ein får med seg kanalar, industriområde og litt bondeland. Veret under løpet var nokså ideelt med 10 varmegrader og så å seie opphaldsvêr. På dei lange opne strekka langs elva Amstel merka ein vinden ganske godt, men elles var løypa bra skjerma.