for kondis.no på Fanaråken Christian Prestegård Resultatliste Fanaråken Duathlon 2003 Fanaråkens hjemmeside Presseklipp: Nest beste råtassen i duathlon Varden Sterk prestasjon av Holte Karlsen Telen Aldri tidlegare har det vore arrangert eit slikt løp med så stor høgdeskilnad mellom start og mål i Europa ! Løpet startar med 16,0 km sykling ( på asfalt ) frå Skjolden/ Lustrafjorden til Turtagrø 875 m.o.h. og deretter 8,4 km løp/gang i terrenget opp til nord-Europas høgast liggjande turisthytte på Fanaråken 2068 m.o.h. I SOGN OG FJORDANE fylke har no to ulike motbakkeløp sett rekordar i høgdeskilnad, Skåla 1848 m rett opp i Stryn Kommune ( med 1820 m. ) og Fanaråken Duathlon med 2068 m heilt innerst i Sognefjorden i Skjolden og Turtagrø i Luster Komune! Årets Fanaråken Duathlon 30. august blei arrangert ( i hu og hast etter kun 14 dagars planleggingstid !) som eit testløp og generalprøve før neste års storsatsing 21. august med 2 ulike løp: Duathlon frå Skjolden til Fanaråken ( høgdeskilnad 2068m) og Mosjonsløp for ALLE ( både med og utan tidtaking) frå Turtagrø til Fanaråken ( høgdeskilnad 1200 m). Årets løp blei ein stor arrangementsmessig suksess for Fanaråk IL med god hjelp av værgudane som varta opp med sol frå tilnærma skyfri himmel. Løpsleiar Anders Fortun var særs glad for at det blei eit prøveløp. Samtlege 19 inviterte deltakarar i dette unike prøveløpet kom TIL TOPPS på Fanaråken med entusiasme og begeistring. Alle var med på å lage ny norsk idrettshistorie ! ALLE SOM KOM TIL TOPPS VAR VINNARAR og fekk denne dagen store solfylte og unike naturopplevingar med praktfullt utsyn og 360 graders vidsyn. I denne artikkelen finst det ikkje ord for å skildre opplevingane. Ord som praktfullt, storslagent, fantastisk, unikt, einestående, ekstremt m.m. strekk ikkje til og blir mangelfulle: Heldigvis hadde eg ein halv kilo ekstra i sekken, som måtte vege minst 2,5kg, i form av eit fotoapparat og fekk teke bilder som i denne artikkelen får hovudoppgåva å formidle opplevingane våre. Dei seier og fortel meir enn ord ! Knallhard duell og kamp om seieren og retten til å eige tidenes fyrste offisielle løyperekord i 11 månader. Den lyder no på 2.10.27 og tilhøyrer Jon Inge Kusslid frå Førde. To multisportatletar og motbakkespesialistar var i ein særklasse og kjempa ein knalltøff duell skulder mot skulder oppover fjellsida og i mål skilte det kun 2 sekundar mellom vinnaren Jan Inge Kusslid frå Førde og telemarkingen Jan Holte Karlsen frå Notodden Sykkelklubb. Dei var over 14 minuttar før nr. 3, Kjell Olav Kusslid frå Haukedalen. Bildet viser den utrulege spurtduellen. | ||||
I Fanaråken Duathlon var det ikkje berre ein vinnar, det var 19 ! som alle var med på å lage ny norsk idrettshistorie. Dei vil for alltid stå i historiebøkene som dei fyrste. Dei 19 fortener alle ein hedersplass i artikkelen og blir her er nemnt frå den yngste på 17 til eldstemann på over 60: Svein Arne Haugen, Bjarte Haugen, Jon Inge Kusslid, Jan Holte Karlsen, Kjell Olav Kusslid, Rune Aarhus, Per Henning Nybø, Oddgeir Bukve, Thor Arne Dommersnes, Joar Egner, Kai Kvalsøren, Yngve Nymark, Håvard Rognerud, Arne Johannesen, Torkjell Sollesnes, Reidar Bøye Sviggum, Christian Prestegård, Olav Kåre Kusslid og Hans Kvalsøren. Nedanfor er 14 av dei samla til felles feiring av ein unik multisportprestasjon ( sykling, løping og gang ) i eit unikt arrangement. Menneskekroppen er skapt for motbakkar ! | ||||
| ||||
Alle deltakarane fekk praktfulle medaljer: | ||||
| ||||
Er ikkje medaljane flotte ! , jau men utsynet og vidsynet er ikkje så verst det heller ! Påbudt med sekk på løpsdistansen frå Turtagrø til Fanaråken og forbod mot sko med metallpiggar Løpet er ei kraftprøve av dei sjeldne og alle deltakarane må ha sekk med minimum 2,5 kg på ryggen frå Turtagrø til Fanaråken. Deltakarane må sjølve bære med seg kle og mat for turen (både opp og ned!). Det skal vere varme kle i sekken, for det kan vere kaldt på toppen ! Då vi starta frå Skjolden kl. 10.30 var det + 14 grader og minus 2 grader på Fanaråkhytta ! Racer- eller offroadsykkel på sykkeletappa ? Heile sykkeletappa går på asfalt. Frå Fortun til Turtøgrø er det svært bratt stigning . Du klatrar over 830 høgdemeter på 10 km. Dersom du brukar racersykkel bør du ha testa om det lettaste giret er lett nok for deg til så lang og bratt stigning. I dette prøveløpet var det mange som sykla på offroadsykkel i staden for racersykkel fordi offroadsykkelen har lågare/ lettare gir Sjølv hadde eg sett på offroad-klinge 34 bak på min racersykkel og sykkeletappa gjekk overraskande fort. Eg var berre 48 sekundar bak klassevinnar Arne Johannesen som til slutt var 25 minuttar før meg i mål på Fanaråken. Til neste år må det trenast meir rask gange og løping i motbakke. På veg ned frå Fanaråken etter løpet fekk eg instruksjon av Jan Holte Karlsen med tips om korleis eg skal forbetre tida på løps/ gang-etappa til neste år. | ||||
Om lag 125 på Duathlon ( med både individuell konkurranse og lagkonkurranse med ein deltakar på sykkeletapppa og ein på løpsetappa ) og 125 på mosjonsløpet frå Turtagrø til Fanaråken (Namneforslag: Fanaråkløpet 1200 m. Opp el. Fanaråken Opp). | ||||
Ei veke før start tippa eg på www.kondis.no at vinnartida kom til å bli 2.12 , den blei 1 min. og 33 sekundar raskare . Til neste år har allereie triathleten Arild Tveiten ( mr. POLAR !) lova at han vil delta. Tveiten har tilsaman 5 NM gull i Triathlon og Duathlon ! Det er m.a.o gode utsikter for ny løyperekord, men det skal syklast og springast/ gåast fyrst. Neste år er nok den individuelle rekorden om lag 2.05 og i lagkonkurransen tippar eg at vinnartida blir om lag 2 timar blank. Sponsorar har planar om å sette opp løyperekordpremie som vil kunne trekke dei aller beste utøvarane til Fanaråken den 21.august 2004. Det lovar dessutan godt for neste års arrangement at alle deltakarane som eg fekk snakka med allereie like etter målpassering gleda seg til neste års løp ! Dette gav meirsmak. Mer om Fanråken Duathlon Forhåndsreportasje 2003 19.august Forhåndsreportasje 2003 31.juli |
Artikkelen fortsetter under annonsen
