Det var  snøføre, og ikkje spesielt glatt, men ein får ikkje skikkeleg feste på snøen.  Bjørnar Lillefosse var kjappast blant mennene, føre Ove Måge, Nils Ove Berge, Lars Måge og John Olav Måge. Blant kvinnene var Ingrid Børsheim fyrst gjennom løypa, føre Inger Marie Hanstveit, Monica Skogvoll, Elisabeth Børresen og Torill Gjerde. Det var flott og god innsats frå både store og små, og folk kosa seg i den fine vinterkvelden.

Det var fleire gevinstar som vart lodda ut på startnummer. Hovudpremien på 500 kroner gåvekort ved Mo Sport vart vunnen av Per Brekke. Han er også ein erfaren skiløpar, og har allerede gjort unna mange dagar på ski i vinter. Han er også sjef for køyring av skispor frå Haukås til Holsete. Der er det prima forhold no. Også på Åse åvom Oma er det kjempe skiforhold. Der er det Mågekarane som står for løypekøyringa.

Med dette løpet er Vinterkarusellen i 2010 i gang. Det gjenstår tre løp av dei tilsaman åtte Vinterkaruselløpa. Neste løp vert tysdag 26. januar kl 19. 

Tekst: Johannes Børsheim, Strandebarm IL