3 av 5 nordmenn vann sølvmedalje i EM i motbakkeløp !

Et jamnt og sterkt norsk juniorlag med Didrik Tønseth, Jørgen Bye Brevik og Sjur Prestsæter vann sølvmedalje i EM i motbakkeløp i Østerrike og kopierte bragden frå VM i Sveits i fjor. Italia vann framfor Noreg, GBR og Sveits i det største EM i motbakkeløp som har vore arrangert med 240 deltakarar frå 24 land ! Sjå stor bildereportasje

Artikkelen fortsetter under annonsen

Tekst og foto Christian Prestegård
Lagbilde foto: Pete Hartley

Alle resultat
Resultat Lagkonkurranse

Infoside EM i motbakke-fjelløp 2009 www.emrc2009telfes.org


	Heile det norske laget samla på åpningsseremonien. Frå høgre mot venstre: Dei to i seniorklassa Øyvind Heiberg Sundby (Tjalve) og Terje Aggvin (Gular). Deretter juniorane Didrik Tønseth (Strindheim), Jørgen Bye Brevik (Strindheim) og Sjur Prestsæter (Lillehammer). Heilt til venstre lagleiar Christian Prestegård. Etter suksessen i EM 2007 med Gull og Bronse til Anita Håkenstad Eversten og Kirsten Melkevik Otterbu var det ambisjoner om å stille med lag i alle klasser senior og junior damer og herrer i årets EM. Dessverre kunne ikkje Anita og Kirsten stille pga skader og vi ser at EM i motbakkeløp midt i Juli gjer at mange av dei beste ikkje kan bli med m.a. pga at baneløp og andre meistarskap, U23 og VM i friidrett i August, blir prioritert. Då blir det lettare å stille våre beste lag når VM i motbakkeløp går i September neste år. Motbakkeløparar er jo ekspertar på å takle motbakkar på ein offensiv og positiv måte ! Det er ikkje mange norske representasjonslag til internasjonale meistarskap i friidrett der 60% av deltakarane har teke medalje. Det gjorde det norske laget i EM i motbakkeløp 12. juli 2009 !Foto Pete Hartley

Herrar Junior


	18-åringen Didrik Tøseth, Strindheim, på opptur mot ein flott 6.plass individuelt i juniorklassa og norsk sølvmedalje i lagkonkurransen. Her har Didrik akkurat starta den siste 2km lange og bratte oppstigninga mot mål med 20-25% stigning. Dei siste 4 km før gjekk på rask småkupert grusveg med kun 3-6% stigning. Løypa stig totalt kun 200m på frå 3,6 km til 7,8km. Sjå foto nedanfor. Dei siste 6km av den 9,4km lange junior- og damer senior-løypa minna svært mykje om Fanaråken Opp - løypa som du kan springe 8. august i år. Foto Christian Prestegård


	Frå det 4 km lange raske midt-partiet av løypa omlag 1700 moh. Foto Christian Prestegård


	18-åringen Jørgen Bye Brevik, Strindheim vann i år Juniorklassa i NM i motbakkeløp i Geiranger 13. juni. Der slo han Didrik Tønseth på dei siste hundre metrane. Her med 2km til mål er Jørgen 25 sek bak Didrik. I mål vart avstanden auka med 13 sek til 41 sek.. Jørgen fekk tida 53.51 på 9 plass, medan Didrik på 6 pl. sprang på 53.13. Foto Christian Prestegård


	19-åringen Sjur Prestsæter, Lillehammer, på veg mot ein flott 11. plass i EM og han bidrog til å sikre norsk EM-sølv i lagkonkurransen. Sjur sprang på 54.14 på eit svært jamnt norsk lag med kun eit minutt mellom Didrik på 6. plass og Sjur på 11. plass. Foto Christian Prestegård


	Tre juniorar som kombinerer langrenn med motbakkeløping på høgt nivå redda dagen for Noreg i EM. Her kan Sjur, Didrik og Jørgen slappe av og nyte utsynet og vidsynet frå målområdet 2250 moh. Foto Christian Prestegård

Herrar Senior


	Øyvind Heiberg Sundby, Tjalve, kom rett frå Høgdetrening i Boulder i Colorado og fekk betalt for det mot slutten av løpet som hadde mål på 2250 moh. Øyvind og den andre norske deltakaren i seniorklassa Terje Aggvin løp saman i store delar av den 11km lange løypa med 1300m samla stigning. Øyvind vart til slutt nr. 26 av 80 i seniorklassa på tida 1.03.42, medan Terje fekk tida 1.04.13 på 32. plass. I EM i 2007 vart Svein Inge Buhaug beste norske løpar på 24. plass og avstanden på 5 min fram til Vinnaren Ahmet Arslan var den same for Buhaug i 2007 som den var for Heiberg Sundby i år. Foto Christian Prestegård


	Terje Aggvin med kun eit minutt i igjen til mål og sluttida 1.04.13. Då Terje vart beste nordmann i det siste uttakingsløpet til EM i Lønahorgi Opp på Voss 20.juni sprang han sitt fyrste motbakkeløp. EM i Østerrike vart det andre. Dette gav meirsmak og allereie fyrstkomande laurdag spring han Kvasshovden Opp saman med Øyvind Heiberg Sundby. Foto Christian Prestegård


	Mål er ikkje på ein fjelltopp slik det ofte er i motbakkeløpa i Noreg. I EM og VM er mål ofte der vegen eller gondolbana sluttar. I EM og VM må det vere veg til mål for transport av sekkar m.m. Foto Christian Prestegård


	Arslan Ahmet, Tyrkia, vann EM i motbakkeløp i år som i 2007. Foto Christian Prestegård


	Marco De Casperi, Italia, vart nr. 2 i år som i 2007. I år var avstanden fram til Ahmet Arslan 43 sek. I 2007 var den 11. sek. Foto Christian Prestegård


	Sebastien Epiney, Sveits, vann bronsemedaljen, 53 sek bak vinnaren.

Damer Junior


	Det vart trippel-siger til Tyrkia i damer junior. Her nr. 1 Derya Altintas og nr. 2 Elif Karabulut. Her skulle Noreg gjerne hatt Karoline Bjerkeli Grøvdal på startstreken. Ho kunne ha teke turen som ei treningsøkt i pulssone 3-4 og vunne EM-gull med god margin. I staden sprang Karoline eit motbakkeløp på Åndalsnes.

Damer senior


	Marina Strähl, Sveits vann dameklassa i år like suverent som det Anita Håkenstad Evertsen vann EM-gull i 2007. I 2007 var Martina nr 4, 1 min. og 41 sek bak Anita. Foto Christian Prestegård


	Valentina Belotti, Italia, nr. 2 i dameklassa 49 sek bak Martina. Foto Christian Prestegård


	Arrangøren hadde plassert Spania og Noreg saman på eit lite hotell med det treffande namnet MONTANA. Monica Ardid, Spania, vart nr. 26 i dameklassa. Foto Christian Prestegård

Premiepallen i lagkonkurransen herrar junior


	Norsk jubel på pallen i lagkonkurransen. Italia vann med plassiffer 20, Norge hadde 26 og GBR på 3. plass 32.

Fleire foto frå herrar junior


	Yusuf Alici, Tyrkia leiar med 10 sek på Xavier Chevrier 2 km frå mål. Yusuf vart Europameistar på 50.29 med Xavrier 16 sekundar bak på 2. plass. Foto Christian Prestegård


	Candide Pralong, Sveits, vart nr 3 på 51.39. Didrik Tønseth på 6 plass sprang på 53.13 og var 1 min. og 34 sek bak ein pallplass individuelt. Både Didrik og Jørgen er junior-løparar også neste år og erfaringa frå i år var god å få med seg fram mot neste års VM i motbakkeløp. Foto Christian Prestegård


	Dei siste 2km var det mange stader uråd å springe forbi. Her ved passering 2000 moh tauar Christian Mai frå Tyskland på to løparar. Mai vart nr. 48 av 59 fullførande i juniorklassa på tida 1.01.21 over 8 min. bak Didrik.