200+lengdemeter+og+15+h%F8gdemeter+fr%E5+m%E5lstreken+p%E5+Fanar%E5ken+2068+moh.+Praktfullt+utsyn+mot+Skagast%F8lstindane+med+Storen+2405+moh.+Foto+Anne+Jenny+Dvergsdal
200 lengdemeter og 15 høgdemeter frå målstreken på Fanaråken 2068 moh. Praktfullt utsyn mot Skagastølstindane med Storen 2405 moh. Foto Anne Jenny Dvergsdal
Løpsdatoen er i år flytta 14 dagar fram til laurdag 12. august for å unngå snø og kunne sikre deltakarane praktfulle forhold. Eg tok ein inspeksjonstur i løypa frå Turtagrø opp til Fanaråkhytta 19. juli ( Sjå foto ). No ligg alt til rette for årets høgste opptur når det gjeld motbakkeløp i Noreg ! Traseen opp er utbedra og klargjort for neste års NM i motbakkeløp.

I år ønskjer arrangøren IL Fanaråk, ved primus motor Anders Fortun, meir fokus på mosjonsløpet ”for alle” Turtagrø-Fanaråken Opp. Motbakkeløp-bølja i Sogn og Fjordane skuldast ikkje minst den store oppslutningen frå vanlege trimmarar og turgåarar. Det er trimmarane som lagar den praktfulle stemninga og inspirerar konkurranseløparane til topp innsats.
Over 300 deltakarar på Fanaråken 2.068 moh ?
Fjorårets kjempe-suksess med 1020 deltakarar i Skåla 1848 m rett opp og heile 446 i deltakarar i konkurranseklassane i NM Motbakkeløp har inspirert neste års NM arrangør ! På Skåla hadde nesten 600 deltakarar i trimklassa gått opp på toppen før NM løpet starta og laga ei praktfull stemning og entusiastisk ramme rundt målområdet 1848 moh ved Skålatårnet. Arrangøren IL Fanaråk vil oppfordre alle Sogningar og ikkje minst alle Lustringar til å ta turen til Fanaråken 12. august. I Storehesten Opp i Bygstad i Gaular Kommune deltok over 700 lokale trimmarar i premiereløpet 8. juli i år.

Arrangøren etterlyser det same engasjementet hjå Sogningane og då spesielt Lustringane . Dei to siste åra har løpet opp til Fanaråken samla om lag 250 deltakarar og dette talet bør i år auke med minst 100 trimmarar frå Indre Sogn ! Her kan dei delta i eit arrangement som er unikt i Europeisk målestokk og gje den praktfulle naturen i Sogn nasjonal og internasjonal PR ..og ikkje minst vise at Sogningane vil melde seg på i konkurransen om å vere sprekast til å gå motbakkar opp på praktfulle fjelltoppar i Sogn og Fjordane !
Etterpåmelding utan tilleggsgebyr i Trimklassa !
Prikkfri+trafikkavvikling+i+2004+i+bratthenget+med+b%E5de+trimmarar+og+konkurransel%F8parar.+I+%E5r+blir+trimmarane+oppfordra+til+%E5+starte+kl.+08.00+for+%E5+n%E5+toppen+f%F8r+konkurransel%F8parane.+Foto+Kjell+Vigestad
Prikkfri trafikkavvikling i 2004 i bratthenget med både trimmarar og konkurranseløparar. I år blir trimmarane oppfordra til å starte kl. 08.00 for å nå toppen før konkurranseløparane. Foto Kjell Vigestad
Løpsleiar Anders Fortun ønskjer å understreke at det i år ikkje er etterpåmeldingsgebyr i trimklassa i Turtagrø- Fanaråken Opp. Det blir høve til å etterpåmelde seg ved starten ved Turtagrø Hotel heilt fram til kl. 09.00. Alle trimmarar blir oppfordra til å starte så tidleg som råd for å vere på toppen ved Fanaråkhytta når dei fyrste i konkurranseklassane kjem i mål ca. kl. 11.00 ! (Sjå info om påmelding m.m. på www.fanaraaken.com)

I år er det topp nasjonal deltaking.
Dette tyder på at løyperekordane i NM-løypa blir forbedra allereie under årets løp 12. august når mange av Noregs fremste motbakkeløparar vil teste NM-løypa før neste års NM. Fjorårets Noregsmeistrar i motbakkeløp Anita Håkenstad Evertsen ( Østre Slidre IL ) og Jon Tvedt ( Gular ) er allereie påmelde. Det er også skiskyttaren Hans Martin Gjedrem som i fjor blei Noregsmeistar i 20 km skiskyting og bronsemedaljevinnar i NM motbakkeløp. Den lokale favoritten Bjarne Nes som i fjor vart nr. 5 i NM er på opptur og kan overraske. Det kan også motbakke-talentet Morten Eilifsen, Rindals Troll, som vart nr. 4 i NM i Skåla 1848m rett opp i fjor som 21-åring. Han er ubeseira i kl. 19-22 år

Jørgen Rostrup (f. 1978) som representerer Kristiansand Orientering stiller i Fanaråken Duatlon! Rostrup har 4 indivuelle VM-gull i orientering! 2 som senior og 2 som junior.
Rostrup utfordrar Arne Post som vann Fanaråken Duatlon i 2004. Post er både Norsk meistar i Duatlon og Verdsmeistar i vintertriatlon !

Det bør bli TOPP underhaldning og ein praktfull opptur, - ikkje minst for trimmarane !